«Türkmenawtoulaglary» agentligi arkaly ýurdumyz boýunça 607 ugra ýolagçy gatnawlary ýerine ýetirilýär. Şonuň 168-si şäheriçi, 336-sy şäherýaka, 103-si şäherara ugurlaryna degişlidir.
2021-nji ýylyň başyndan bäri, agentlik tarapyndan 26 sany ugra täze awtobus gatnawlary açyldy we 22 sany awtobus gatnaw ugurlary üýtgedilip kämilleşdirildi. Ýolagçy gatnawlary täze, döwrebap we ähli amatlyklary üpjün edilen awtobuslarda ýerine ýetirilýär.
Ýurdumyzyň ulag-kommunikasiýa toplumy yzygiderli kämilleşdirilip, bu ugurda ösüş depginleri yzygiderli ýokarlanýar. Ýanwar aýynda tutuş ulag-kommunikasiýa toplumynda 119,7 göterim ösüş depgini gazanyldy. Şu ýylyň ilkinji aýynda «Türkmenawtoulaglary» agentliginde iş meýilnamasy 129,4 göterim üstünlikli ýerine ýetirildi.
