Geçen ýyl Türkmenistanyň we Gazagystanyň arasyndaky söwdanyň möçberiniň 563,06 million dollara barabar bolandygyny «Trend» habar berýär.
Gazagystanyň Milli statistika býurosynyň maglumatlaryna görä, bu döwürde ýurtlaryň arasyndaky söwda dolanyşygy 2022-nji ýylyň degişli döwründäki 438,69 million dollarlyk görkeziji bilen deňeşdirilende, 28 göterim ýokary boldy.
Şu döwürde Türkmenistanyň Gazagystana eksporty 165,88 million dollar boldy. Munuň özi 2022-nji ýylyň şol döwründäki 98,33 million dollara barabar bolan netije bilen deňeşdirilende, 68 göterim köpdür.
Gazagystanyň umumy importunda Türkmenistanyň eýeleýän orny hakynda gürrüň edilende, 2022-nji ýylda 0,2 göterim ösüş bellige alynsa, hasabat döwründe bu görkezijiniň ösüşi 0,3 göterim boldy.
Şunuň bilen baglylykda, Türkmenistan Gazagystandan edýän importuny hem 2022-nji ýylyň degişli döwri bilen deňeşdirilende, 17 göterim ýokarlandyrdy (340,35 milliondan 397,17 million dollara çenli).
Gazagystanyň umumy eksportunyň 0,5 göteriminiň Türkmenistana degişlidigini hem bellemek gerek. 2022-nji ýylda bu görkeziji 0.04 göterime barabar bolupdy.
Çeşme:"Türkmenawtoulaglary" agentligi