Şu ýyl «Via Lietuva» (Litwanyň ozalky awtoýollary direksiýasy) Wilnýus-Kaunas-Klaýpeda ýolunyň — ýurduň iň köp gatnawly ugrunyň 23 km töweregi bölegini abatlamagy meýilleşdirýär. Bu barada Litwa Respublikasynyň Ulag ministrliginiň maglumatlaryna esaslanýan «Логист.Today» habar berýär.
Ýoluň bölekleriniň ýedisinde abatlamak hem-de täzelemek işlerini alyp barmak meýilleşdirilýär. Ýol ugrunyň alty bölüminde martyň ahyryndan apreliň başyna, beýlekisine bolsa tomsuň başynda badalga berler.
Wilnýusdan deňze tarap geçilende Grabusişkiden Neweroniýa (83,427-87,14 km we 87,66-89 km) uzaýan bölüm gaýtadan işlener. Bu bölümdäki işler mart aýynyň ahyrynda başlanar. Antakalnisden Rumşişkä çenli bolan bölümde (70,935-80,51 km) işler iýun aýyndan badalga alar. Deňizden Wilnýusa tarap hereket edilende, Faparçýaý — Sousine bölüminde (107,254-108,66 km we 108,71-111,614 km) agyr bolmadyk abatlaýyş işleri amala aşyrylar. Ýene bir dolandyrylýan bölümde — Elektrenaý (57,231-58,3 km we 58,6-61,511 km) ugrunda bolsa işler Žežmariusdan soň başlanar.
