Halkara howa ulaglary assosiasiýasynyň (IATA) habaryna görä, fewral aýynda dünýäniň raýat awiasiýasynyň ýük dolanyşygy 2023-nji ýylyň fewraly bilen deňeşdirilende 11,9% artyp, 19,7 milliard tonna/kilometre ýetdi. Howa gatnawlary boýunça ýük daşamaga bolan isleg yzygiderli üçünji aýda iki ugurdaky nyrh boýunça ösýär: ol ýanwar aýynda 18,4%, 2023-nji ýylyň dekabrynda — geçen ýylyň degişli döwri bilen deňeşdirilende, 10,8% ýokarlandy. Halkara ugurlar boýunça fewral aýynyň ýük dolanyşygy geçen ýylyň degişli bölegi bilen deňeşdirilende, 12,4% artdy, ulag möçberiniň iň ýokary mukdary Afrikada (22%) we Ýakyn Gündogarda (20,9%) hem ösdi, Demirgazyk Amerikada iň kiçi derejedäki ösüş (4.2%) bellige alyndy.
Howa ýük bazaryndaky üpjünçilik dekabr aýynyň iň ýokary derejesinden az-kem peselmegini dowam etdirdi: fewral aýynda bazaryň kuwwaty 43,8 milliard tonna/kilometr boldy. Şeýle-de bolsa, görkeziji bir ýyl ozalkydan 13,4%, 2022-nji ýylyň fewral aýyndan 20,6% artykdyr. IATA elýeterli ýük kuwwatynyň köpelmeginiň sebäbini köp sanly ýolagçy uçarynyň gatnawlar üçin gaýdyp gelmegi (geçen ýyl bilen deňeşdirilende 29,5% ýokarlanmagy), mysal üçin ýük awiakompaniýalarynyň halkara howa ýollaryndaky (ýylda bary-ýogy 3,2% ýokarlandy) ugurlary üpjün etmegi bilen düşündirýär.
«Fewral aýynda islegiň 11,9% ýokarlanmagy serhetaşa söwdanyň 0.9% ösüşinden has öňe geçdi» — diýip, IATA-nyň baş direktory Willi Uolş belledi. — 2024-nji ýyldaky şeýle gowy başlangyç islegiň 2022-nji ýylyň başyndaky ýokary görkezijiden hem ýokary bolup biler — diýip, ol sözüniň üstüni ýetirdi. Galyberse-de, onuň pikiriçe munuň özi «dowam edýän syýasy we ykdysady näbellilikleriň öňüsyrasynda howa ýük gatnawlarynyň durnuklylygyny» görkezýär.
