«Toyota Camry» awtoulagynyň iň güýçli dokuzynjy nesli Hytaýda hödürlendi: sedan 2,5 litrlik hereketlendirijä esaslanýan gibrid elektrik gurluşyny aldy. Bu enjam 3,5 litrlik hereketlendirijiniň ornuny tutmak üçin niýetlenendir.
Içki ýangyç hereketlendirijisiniň (ICE) kuwwaty — 185 at güýji, elektrik hereketlendirijisi — 136 at güýji. Olaryň işi e-CVT elektromehaniki wariatory bilen utgaşdyrylýar. Ulgamyň umumy kuwwaty — 230 at güýji. Munuň özi 2.0 litrlik hereketlendirijä esaslanýan kuwwatly hereketlendirijisi bilen tapawutlanýan gibrid «Camry» ulagyndan 32,5 at güýjüne barabar möçberde uludyr.
«WLTC» usuly bilen ölçenýän talap — 4,55 l/100 km. Deňeşdirmek üçin, 2.0 litrlik içki ýangyç hereketlendirijisine esaslanýan gibrid «Camry» üçin 4,5 l/100 km. Şeýlelikde, iň güýçli «Camry» güýç nukdaýnazaryndan has sada gibrid hökmünde tygşytly bolup çykdy.
Iň ýokary derejeli «Camry» ulagynyň daşky dizaýn aýratynlyklaryny hem bellemek gerek. Umuman alanyňda, awtoulag dokuzynjy nesliň ozalky nusgalaryna meňzeýär. Nusganyň derejesi barada aýdylanda bolsa ol iň ýokary görnüşiň aýratynlyklaryna laýyk gelýär: panoramik üçek, arka penjiresiniň elektrik perdesi, howasyny gözegçilikde saklaýan ulgam, sürüjiniň 10 ugur boýunça dolandyryş bilen üpjün edilen elektrik oturgyjy, üç mümkinçilikli howa gözegçiligi, howpsuzlyk boýunça 10 howa ýassygy, ýakyn aralyga hem-de uzaga gönükdirilen çyralary awtomatiki usulda çalyşmak, «TSS 3.0» howpsuzlyk ulgamlarynyň eýeçilik toplumy.
Hytaýda ulagyň üç nusgasy hödürlenýär. Olaryň bahalary — 30,3 — 35,9 müň amerikan dollary aralygyndadyr.
