Prezident Kasym-Žomart Tokaýew «Orbis Kazakhstan» kompaniýalar toparynyň esaslandyryjysy Farruh Mahmudowy kabul etdi. Bu barada «Akordyň» maglumatlaryna salgylanýan «inbusiness.kz» habar berdi. Döwlet baştutanyna «Orbis Kazakhstan» kompaniýalar toparynyň öndürijilik netijeleri we ösüş mümkinçilikleri barada maglumat berildi.
Hususan-da, Farruh Mahmudow prezidente Almaty senagat parkynda «Orbis Manufacturing» doly awtoulag zawodyny gurmak baradaky meýilnamalaryny aýtdy. Taslama Hytaý Halk Respublikasyndan «Exeed» we «Kaiyi» ýaly brendleri bir önümçilik meýdançasynda birleşdirer we 100 %-lik kiçi göwrümli önümçilik barada eýýäm ylalaşyk gazanyldy. Taslama üçin umumy maýa goýum 72 milliard tenge bolar. Birinji tapgyrda täze iş orunlarynyň 1500-si dörediler. Önümçilik kuwwaty ýyllyk 80 müň awtoulag bolup, içerki we daşarky bazarlara ýollanar. Şeýlelikde, Merkezi Aziýa ýurtlary we Kawkaz sebiti şu awtoulaglar bilen üpjün ediler.
Kasym-Žomart Tokaýewe kompaniýanyň Astanadaky infrastrukturasyny ösdürmäge gatnaşygy barada maglumat berildi. Şu ýyl «Orbis» bu ýerde söwda we bazar toplumynyň gurluşygyny tamamlamagy hem-de köpugurly lukmançylyk klinikasynyň gurluşygyna başlamagy meýilleşdirýär. Şol bir wagtyň özünde hem kompaniýa «Agro Park» lomaý paýlaýyş merkeziniň gurluşygyna başlamagy göz öňünde tutýar.
