Russiýa Federasiýasynyň Türkmenistandaky ilçisi Iwan Wolynkin häzirki wagtda berlen rus wizalarynyň sanynyň pandemiýa döwründen öňki derejesine ýetendigini aýtdy.
«Eger 2019-njy ýylda jemi 60 müň raýata wiza berlen bolsa, 2023-nji ýylyň ahyryna çenli 73 müňden gowrak adam wiza aldy. Şolardan 36 müňüsi syýahatçy we 19 müňüsi talyp wizalarydyr. Mundan başga-da, 2024-nji ýylyň ilkinji bäş aýynda 46 müňden gowrak wiza resmileşdirildi, bu görkeziji 2023-nji ýylyň degişli döwründe 18,3 müň bolupdy. Men pandemiýanyň bir wagtlar döreden päsgelçiliklerini ýeňip geçendigimize we ýurtlarymyzyň arasyndaky adaty ulag aragatnaşygyna gaýdyp gelendigimize tüýs ýürekden begenýärin» — diýip, ilçi belledi.
Şeýle hem, ilçi Russiýanyň uniwersitetlerinde 40 müňden gowrak türkmen talybynyň okaýandygyny nygtady.
