«MSC-niň» global konteýner daşamak bazaryndaky paýy 20 %-e ýetdi. Ol 2018-nji ýyldan bäri bazaryň bäşden birini eýelän ilkinji konteýner ugrudyr. Alty ýyl ozal bu paý şeýle derejäni bary-ýogy birnäçe aýlap saklap bilýän «Maerske» degişlidi. Bu barada «Alphalineriň» maglumatlaryna salgylanýan «Splash» habar berýär.
6 million TEU-lyk bellige ýetmek üçin «MSC-de» Megamax tapgyrynyň diňe bir konteýner gämisiniň mümkinçiligi, ýagny 24000 tonna gämi ýetmezçilik edýär. Seljerijileriň çaklamalaryna görä, «MSC-niň» 2025-nji ýylda göterijilik ukyby geljek ýylyň fewral aýynda resmi taýdan işe başlajak «Maersk» we «Hapag-Lloýd» tarapyndan döredilen «Gemini» bileleşiginiň flotuna deň bolar.
1970-nji ýylda döredilen gününden başlap, flotuň kuwwatyny 1 million TEU-lyk görkezijä ýetirmek üçin «MSC-e» 37 ýyl gerek boldy. Ýene dört ýyldan soň «MSC» 2 million TEU-lyk bellikden geçdi. 2022-nji ýylyň başynda ýazgy sargytlaryň we ikinji bazarda konteýner gämileriniň satyn alynmagy bilen baglylykda, bu babatda «Maerskden» öňe geçdi.
«Sea-Intelligence» konsalting kompaniýasy ýakynda sargytlaryň azalmagyny we soňky gämi satuwy ýaly dürli taraplary göz öňünde tutup, 2026-njy ýylda iň gowy 10 kompaniýany özünde jemlejek reýtingiň nähili boljakdygyny çaklady. Bu çaklama görä, «MSC» ikinji iri ýük daşaýjy tarap bolan «CMA CGM» bilen tonna boşlugyny ep-esli ýokarlandyrar. «Maersk» üçünji ýerde bolar.
