Hyzmatdaşlygyň çäginde şu ýylyň 1-nji iýulyna çenli Azerbaýjan we Özbegistan 5300-den gowrak «Chevrolet» awtoulagyny öndürdi. Azerbaýjanyň Ykdysadyýet ministrligine salgylanylyşy ýaly, bu mesele Azerbaýjan bilen Özbegistanyň arasyndaky hyzmatdaşlyk boýunça bilelikdäki hökümetara komissiýanyň 13-nji mejlisinde ara alnyp maslahatlaşyldy.
Duşuşygyň barşynda taraplar senagata bilelikdäki maýa goýumlaryň ýatyrylmagynda üstünlikli hyzmatdaşlygyň mysalynyň döredilendigini bellediler. Şeýlelikde, bilelikdäki taslamanyň çäginde Gajigabul senagat seýilgähinde awtoulaglaryň önümçiligi alnyp barylýar.
Şeýle hem kompaniýa pikap hem-de ýük awtoulaglaryny, awtobuslary öndürýär.
Azerbaýjanyň ykdysadyýet ministri Mihail Jabbarowyň Özbegistana eden iş saparynyň çäginde azerbaýjan-özbek hökümetara komissiýasynyň 13-nji mejlisiniň geçirilendigini ýatladýarys.
Bu mejlisden başga-da, ministr Azerbaýjan-Özbegistan maýa goýum kompaniýasynyň Gözegçilik geňeşiniň mejlisine gatnaşar we Özbegistanyň maýa goýum, senagat we söwda ministri Laziz Kudratow bilen duşuşar.
