Hytaýyň Şandun welaýatynyň Sindao şäherindäki utgaşdyryş zolagy maýadarlary onuň ösüşine we «Bir guşak, bir ýol» bilen mundan beýläk-de birleşmäge, giň gerimli halkara alyş-çalşygyny we hyzmatdaşlygyny ösdürjek platforma döretmäge çagyrýar.
Şu maksat bilen, «Hytaý — ŞHG» sebitleýin ykdysady we söwda hyzmatdaşlygynyň utgaşdyryş zolagy ýakyn aýlarda hemmetaraplaýyn özgertmeleri durmuşa geçirmegi dowam etjekdigini Sindaonyň hökümetiniň baş sekretarynyň orunbasary Çen Wanşen geçen aý ýaýbaňlandyrylan metbugat ýygnagynda aýtdy. «Hytaý — ŞHG» zolagy dünýäniň dürli künjeginden gelen maýadarlary özleri üçin ajaýyp geljegi açjak gurluşyk üçin birleşmäge çagyrýar» — diýip, ýolbaşçy Sindaonyň bu taslamanyň ösüşini çaltlaşdyrmak üçin ähli tagallalary etjekdigini tassyklady.
Zolak Hytaý — Russiýa ýolunda ulag hereketiniň ugurlaryny açdy. «Geçen alty ýylda jemi 3200-den gowrak otlynyň geçen Hytaý — Ýewropa ýolunyň kömegi bilen, Sindao Hytaýyň iň uly üç şäheriniň birine öwrüldi. Mundan başga-da, Hytaý — Ýewropa ýük otlularynyň işlemegi, şeýle hem ýük düzüminiň Merkezi Aziýa ýurtlaryna gidýän iň uly üç şäheriniň biri boldy» — diýip, Çen belledi
