Özbegistanyň prezidenti Şawkat Mirziýoýew Täjigistan bilen baglaşylan şertnama

üýtgetme girizmek hakynda karara gol çekdi. Resminama iki ýurduň çäginden

rugsat hatsyz ýük ulaglarynyň üstaşyr geçmeginiň ýönekeýleşdirilmegini göz

öňünde tutýar. Bu barada Sputnik saýty habar berýär.

Degişli teswirnama 2024-nji ýylyň 18-nji aprelinde Duşenbe şäherinde prezident

Mirziýoýewiň Täjigistana saparynyň dowamynda gol çekilipdi.

Şoňa laýyklykda ýük ulaglarynyň iki döwletiň çäginden üstaşyr geçmegi rugsat

hatsyz amala aşyrylar.

Prezident Mirziýoýew Özbegistanyň Daşary işler ministrligine özbek tarapyndan

bu halkara şertnamanyň güýje girmegi üçin zerur bolan içerki döwlet amallarynyň

ýerine ýetirilendigi hakynda täjik tarapyna habarnama ibermegi tabşyrdy.

Çeşme:"Türkmenawtoulaglary" agentligi