Şu ýylyň birinji aýynda Russiýada 5,498 sany täze ýük ulagy satyldy - bu 2024-nji ýylyň ýanwar aýy bilen deňeşdirilende 27% azdyr. Olaryň 1,061-si orta tonnažly ýük ulaglary (MCV) we 4,437-si uly tonnažly (HCV) ýük ulaglarydyr. Şol bir wagtyň özünde, MCV ulaglarynyň satuwy ýyllyk 13% we HCV ulaglarynyň satuwy 30% pese gaçdy. Bu barada «AWTOSTAT» agentliginiň bilermenleri «АВТОСТАТ Оперативка. Оперативная информация по авторынку России. Итоги января 2025 года» atly onlaýn ýaýlymynda habar berdiler.
Ähli satylýan orta tonnažly ýük ulaglarynyň dörtden üç bölegi üç ulag kysymynyň paýyna düşýär - GAZ (361 sany), KAMAZ (276 sany) we JAC (165 sany). Satuwlaryň 100 sany görkezijisini başga hiç bir ulag kysymy geçip bilmedi. MCV segmentindäki modellerden GAZ Gazon NEXT 21% töweregi paý bilen öňdebaryjy orny saklap galdy.
Uly tonnažly ýük ulaglarynyň umumy satuwlarynyň 75%-den gowragy aşakdaky bäş ulag kysymynyň paýyna düşýär: SITRAK (1,125 sany), KAMAZ (1,054 sany), Shacman (517 sany), FAW (424 sany) we MAZ (271 sany). HCV ulagynyň iň meşhur modeli bolsa ýene-de SITRAK C7H boldy.
Çeşme: «Awtomobil ulag hyzmaty»
