Fransiýanyň parlamenti içinden otlanýan hereketlendirijili awtoulaglary satmagy gadagan etmegi 2040-njy ýyldan 2035-nji ýyla geçirmek başlangyjyny ret etdi. Karar az artykmaçlyk bilen kabul edildi: 34 deputat bu geçişi çaltlaşdyrmagyň garşysyna ses berdi, 30-sy bu teklibi goldady – diýip, auto.ru saýty ýazýar. Kanunyň taslamasy fransuz kanunçylygyny has ileri tutulýan umumy Ýewropa kadalary bilen utgaşdyrmagy göz öňünde tutýardy. Şonda-da, milli parlament öz awtomobil bazary üçin has uzak geçiş döwrüni saklamagy makul bildi.
Dekabr aýynda Ýewropa parlamentiniň öňdebaryjy syýasy güýji - Ýewropanyň Halk partiýasy - 2035-nji ýyla çenli içinden otlanýan hereketlendirijini doly gadagan etmek boýunça meýilnamalara gaýtadan garamagyň zerurdygyny beýan edendigi bellenmäge mynasypdyr. Bu garaýşyň sebäbi sebitdäki awtoulag senagatynyň kyn ýagdaýa düşendigi bilen düşündirilýär.
Çeşme: «Awtomobil ulag hyzmaty»
