2000-nji ýylda işläp gelýän 50 dünýä konteýner daşaýjylarynyň iň irileriniň 24-si bazarda galdy – diýip, Splash neşiri Sea-Intelligence tarapyndan geçirilen täze barlaglara salgylanmak bilen habar berýär.
Tozman galan daşaýjylaryň flotunyň umumy sygymy bu döwrüň içinde ep-esli ösdi. Umuman alanyňda, bu daşaýjylar 2000-nji ýyldan 2025-nji ýyla çenli ýük gatnatma kuwwatyny 2,5 million TEU-dan 26,7 million TEU-a çenli köpeltdiler. Ösüş 1000% töweregi ýa-da bu 25 ýylyň dowamynda ortaça ýylda 10% boldy.
«Köne» konteýner daşaýjylaryň 24-sinden başga, 26 täze daşaýjy hem ilkinji top-50 girdi. Olaryň käbirleri täze döredilen kompaniýalar bolup, käbirleri bolsa 2000-nji ýylda ilkinji top-50-ä girmediklerdir.
Bu 26 «täze gelenler» jemi dünýä flotunyň 6% dolandyrýarlar, «köne» daşaýjylar bolsa 84% dolandyrýarlar.
«Bazaryň ep-esli jebisleşendigini görmek bolýar. Bu 25 ýyl dowam eden ýol bolup, 2000-nji ýyldan bäri işläp gelýän oýunçylar täze gelenlere garanyňda has gowy uýgunlaşdylar we ösdüler» — diýip, Sea-Intelligence neşiri belleýär.
Alphaliner neşiriniň çaklamasyna görä, şu hepdede dünýä konteýner flotunyň sygymy 32 million TEU çäkden geçer. 30 million TEU çägi geçen ýylyň iýun aýynda täze tonnažyň rekord derejede iberilmeginiň arasynda gazanyldy.
Mundan öň senagatyň 2001-nji ýylda 5 million TEU çäge ýetmek üçin 50 ýyl gerek boldy. 20 million TEU-dan 30 million TEU-a bolan böküş diňe ýedi ýylda bolup geçdi.
Çeşme: «Awtomobil ulag hyzmaty»
