Alphaliner neşiriniň bahalandyrmasyna görä, 2024-nji ýylda dünýäniň iň uly konteýner portlarynyň 30 sanysynyň konteýner dolanyşygy 16,59 million TEU boldy, bu 2023-nji ýyla garanyňda 7,1% köp.
Hytaýyň Ýinkow porty 5,56 million TEU dolanyşygy bilen reýtingde 30-njy orny eýeledi we Wýetnamyň Kaý Mep portyny şol ýerden çykaryp goýberdi. 30-lygyň içinde jemi 12 hytaý porty bar, olaryň ýedisi ilkinji onlugyň içinde.
Top-30 sanawyndan diňe iki port - Sýamyn we Gonkong - geçen ýylky dolanyşygyny pese gaçyrdy. Ýene üç port 2023-nji ýylyň derejesinde diýen ýaly galdy: Gamburg, Hoşimin we Jakarta.
Reýtingdäki top-30 portunyň her üçüsiniň möçberi 10%-den köp artdy. Ösüş depgini boýunça öňdebaryjy Los-Anjeles/Long-Biç porty boldy, onuň dolanyşygy Trampyň täze nyrhnamalarynyň öňüsyrasynda import iberijileriň ätiýaçlyklary toplamaga ymtylyşynyň çäklerinde, şeýle-de portda dokerleriň mümkin bolan iş taşlaýyşyndan howatyrlanýan wagtynda, käbir möçberleriň gündogar kenaryndan täzeden ugrukdyrylandygy sebäpli, 20%-e golaý ösdi.
Tanžer-Med porty dolanyşygyny takmynan 19% ýokarlandyrdy. Şol ýere daşaýjylar Ýewropanyň «uglerod salgydy» boýunça tölegleri azaltmak maksady bilen işjeň girmäge başladylar, şeýle hem husitleriň döredýän kynçylyklary sebäpli, ol gämileri Afrika töwereginden geçýän ugra täzeden ugrukdyrdy. Bu bolsa bazaryň Ortaýer deňiz segmentinde hyzmatlaryň gurluşyny üýtgedip, transşipmentiň (başga tarapyň gämilerini ulanmak) paýyny artdyrdy.
Üçünji iň çalt ösýän port Malaýziýanyň Tanjung Pelepas porty bolup, onuň dolanyşygy ilkinji gezek 12 million TEU-dan geçdi.
Çeşme: «Awtomobil ulag hyzmaty»
