2025-nji ýylyň birinji çärýeginde Russiýanyň içindäki awtoulag hyzmatlarynyň nyrhlary 12-14% pese gaçdy, boş ulaglaryň hödürlenişi olaryň ýüklenişine bolan islegden has köp boldy.
Şol bir wagtyň özünde, martda ýük akymlarynyň az-kem ösüşi we spot bazarynyň janlanmagy bellenildi, ýük daşalyşynyň nyrhlary ösüp başlady. Russiýa boýunça ortaça ýük daşalyş nyrhlaryny görkezýän ATI.SU indeksi aprelde birinji hepde 2,2% ösdi. Nyrhlaryň ýokarlanmak meýliniň durnukly bolma ähtimallygy bar.
Emma, heniz bu üýtgeşmeler ulag kompaniýalarynyň düýpli ýeňilleşmesini duýar ýaly derejede däl – ýük daşaýjylaryň nyrhlary özüne düşýän gymmatyna deň derejede ýerleşýär, käwagt bolsa hatda bu derejeden hem aşakdadyr.
Ulag kompaniýalarynyň wekilleriniň güwä geçmegi boýunça, geçen ýyl ýük daşaýjylaryň ep-esli bölegi ters girdejililik bilen tamamlady, awtoulag parklarynyň azalma meýli saklanýar. Şonuň üçin islegiň ösüşi bilen (bu ýylyň ikinji ýarymynda seresaplylyk bilen çaklanýar) pudakda ulag ýetmezçiliginiň bolmagyna garaşmaly. Eger-de ýük akymy ösmese, nyrhlaryň peselmesi dowam edip biler, awtoulag parklary bolsa has hem azalar.
Çeşme: «Awtomobil ulag hyzmaty»
