Täze tertip 13 geçelge nokadynda hereket eder
2025-nji ýylyň 1-nji sentýabryndan başlap gümrük edaralary Russiýanyň döwlet araçäginiň birnäçe geçelge nokatlarynda weterinar, arassaçylyk-karantin we fitosanitariýa gözegçiligini geçirip başlarlar. Degişli buýruga RF-nyň Hökümeti tarapyndan 2025-nji ýylyň 20-nji maýynda gol çekildi.
Sanawa alty sany awtoulag geçelge nokady girdi: Kareliýadaky «Wýartsilýa» we «Kuniçina gora», Kaliningrad oblastyndaky «Mamonowo» (Gžehotki), şeýle hem Russiýanyň günortasyndaky «Tagirkent-Kazmalýar», «Ýarag-Kazmalýar» we «Şumilkino».
Dört sany demir ýol geçelgesi - «Zabaýkalsk», «Nauşki», «Nižneleninsk» we «Solowýowsk» — hem gümrük gözegçiligine geçer. Howa gatnawlarynyň arasynda üýtgeşmeler Ýekaterinburgyň (Kolsowo), Irkutskyň we Omskyň (D.M. Karbyşew adyndaky Merkezi) howa menzillerine degişli bolar.
Şeýle-de bolsa, Rosselhoznadzor we Rospotrebnadzor edaralary öz gözegçilik wezipelerini saklap galar. Gümrük edaralary töwekgelçiligi dolandyrmak ulgamyny ulanmak bilen, resminamalaryň gözegçiligi we ýükleriň ilkinji barlag işlerini öz üstüne alarlar.
Çeşme: «Awtomobil ulag hyzmaty»
