Polşa Respublikasynyň Prezidenti Karol Nawroskiý Türkmenistanyň Garaşsyzlyk güni mynasybetli Prezident Serdar Berdimuhamedowyň adyna gutlag hatyny ýollady. «Watan» habarlar gepleşiginde habar berlişi ýaly, gutlagda, hususan-da, şeýle sözler bar:
– Hormatly jenap Prezident!
Polşanyň halkynyň adyndan we hut öz adymdan Sizi hem-de ähli türkmen halkyny Türkmenistanyň Garaşsyzlyk güni mynasybetli tüýs ýürekden gutlaýaryn.
Biziň ýurtlarymyzyň arasynda hoşniýetli we dostlukly gatnaşyklar ýola goýuldy we durnukly ösdürilýär. Mundan beýläk-de giň gerimli hyzmatdaşlygyň netijesinde bu gatnaşyklaryň syýasy, ykdysady we durmuş ulgamlarynda has-da berkidiljekdigine ynanýaryn.
Size we Türkmenistanyň ähli halkyna döwlet özygtyýarlylygyny pugtalandyrmakda hem-de Merkezi Aziýada howpsuzlygy berkitmek babatdaky tagallalaryňyzda rowaçlyklary, şeýle hem mümkinçilikden peýdalanyp, Siziň Alyhezretiňize berk jan saglyk we jogapkärli işiňizde üstünlikleri arzuw edýärin.
