2024-nji ýylda Belarusyň ýük daşamasy gündogara tarap üýtgemegini dowam etdirdi. Döwlet gümrük komiteti ýurduň günbatar we gündogar ýük dolanyşygynyň gatnaşygynyň nähili üýtgändigini habar berdi.

Belarusyň Döwlet gümrük komitetiniň beren maglumatlaryna görä, 2024-nji ýylda gündogar ugry boýunça günbatar ugruna garanyňda 4 esse köp ýük daşaldy. Bu 2023-nji ýyldaky bilen deňeşdirilende onuň üç esse ýokarlanandygyny görkezýär.

Mundan başga-da, gümrük edarasy bar bolan logistik kynçylyklara garamazdan, Belarusyň daşary söwdasynyň ýeterlik işjeň bolýandygyny belledi. Muny gümrük tölegleriniň bir ýylda 15% ýokarlanmagy hem tassyklaýar.

Döwlet gümrük komiteti şeýle hem 2024-nji ýyldan başlap Ýewraziýa ykdysady bileleşiginiň döwletlerinden gelýän poçta ibermeleriniň köpçülikleýin barlanýandygyny habar berdi. Barlanylan 4 million ibermäniň 460 sanysynda gümrük işgärleri gadagan edilen ýükleri ýüze çykardy.

Çeşme: «Awtomobil ulag hyzmaty»