Soňky üç ýylda Günorta Russiýanyň konteýner daşaýjylarynyň paýlary düýpli üýtgedi. Eger-de 2021-nji ýylda dört daşaýjy kompaniýa bazaryň 80% göterimini dolandyran bolsa, häzir bazar güýçli diwersifikasiýa sezewar boldy. Adaty öňdebaryjy – MSC – 2024-nji ýylda öňdebaryjylygyny gowşadyp, dördünji orna geçdi. Bu barada «Nowomorsnab» JÇJ-niň baş direktory Alekseý Garmaş Peterburgda WIWA KONSALT tarapyndan guramaçylykly geçirilen ShippingRU maslahatyndaky çykyşynda beýan etdi.

Birinji orna Reel Shipping (BAE) çykdy. «Ol «gury» import we eksportyň uly göwrümlerini jemlemegi başardy — diýip, A.Garmaş düşündirdi. — MSC sanksiýalar bilen berk çäklendirilip, esasan azyk önümlerini, derman serişdelerini we beýleki ynsanperwer ýükleri daşaýar. 16-njy sanksiýalar toplumy çykanda, olaryň importy aňry çäk derejede kesildi. Şol sebäpli, häzir bu kompaniýa öz gysylyp galmagy zerarly bazardaky paýyny az-kem ýitirýär. Emma, eger-de sanksiýalar gowşadylsa, MSC kompaniýasynyň ösmegi üçin uly mümkinçiligi bar».

Ikinji orna Hytaýyň XHL kompaniýasy çykdy, ol Noworossiýskde ýeke-täk göni deep sea hyzmatyny hödürleýär. Çykyş edeniň sözlerine görä, 2024-nji ýylda bu ýük daşaýjynyň konteýnerlerde taýýar awtoulaglaryň uly göwrümli importy bardy. «Häzirki wagtda bu akym peseldi we ähtimal, XHL kompaniýasynyň hem paýy pese gaçar» - diýip, A.Garmaş çaklaýar.

Üçünji orna Türkiýäniň Akon kompaniýasy çykdy. «Mundan öň biziň Türkiýe boýunça adaty ýük daşaýjy kompaniýamyz Arkas kompaniýasydy, ýöne ol hem sanksiýa çäklendirmeleri sebäpli berk gysylýar, şonuň üçin geçen ýyl ol öz paýlaryny Akona bermegä mejbur boldy. Beýleki liniýalar hem ýuwaş-ýuwaşdan ösmeklerini dowam etdirýärler» — diýip, bilermen belledi.

Çeşme: «Awtomobil ulag hyzmaty»