Türkmenistanda ulag-kommunikasiýa toplumynda ýerine ýetirilen işleriň umumy ösüş depgini 114,1 %-e ýetdi. Bu barada Türkmenistanyň Deňiz we derýa ulaglary döwlet gullugynyň "Balkan" gämi gurluşyk we abatlaýyş zawodynyň saýtynda habar berilýär.

Habarda bellenilişi ýaly, işjeňligiň esasy görkezijisi awtomobil ulagy bilen bagly boldy. Bu babatda hyzmatlaryň möçberi birbada 25 % artdy. Beýle ýokary ösüş beýleki ugurlaryň durnukly ösüşi (awiasiýa — 17,4 %, demir ýol — 6,9 %) bilen baglylykda içerki söwdanyň we kiçi telekeçiligiň ýokary depginini görkezýär. Çünki awtoulag gatnawlary bu ugurlarda möhüm orny eýeleýär.

"Indi toplumyň öňünde doly kuwwat bilen Türkmenbaşy portunyň üstaşyr mümkinçiliklerini peýdalanmak wezipesi dur" diýlip, habarda aýdylýar.