23-nji iýulda Male şäherinde Türkmenistanyň Maldiwler Respublikasyndaky (ýaşaýan ýeri Nýu-Deli şäherinde) ilçisi Şalar Geldynazarow Maldiwler Respublikasynyň daşary işler ministri Iruşitam Adam bilen duşuşdy. Taraplar syýasy-diplomatik, söwda-ykdysady we medeni-ynsanperwer ulgamlarda ikitaraplaýyn hyzmatdaşlygy ösdürmegiň geljegi uly ugurlaryny ara alyp maslahatlaşdylar. Bu barada Türkmenistanyň Daşary işler ministrliginiň metbugat gullugy habar berýär.

Gepleşikleriň barşynda ulag-aragatnaşyk we syýahatçylyk pudaklarynda hyzmatdaşlygyň uly mümkinçilikleri nygtaldy. Duşuşyga gatnaşyjylar abraýly halkara guramalarynyň çäklerinde netijeli hyzmatdaşlygyň ähmiýetine aýratyn üns berdiler.

Duşuşygyň jemleri boýunça diplomatlar özara bähbitli gatnaşyklary mundan beýläk-de berkitmek maksady bilen iki ýurduň daşary syýasat edaralarynyň arasynda yzygiderli gatnaşyklary saklamagy ylalaşdylar.