Türkmenistanda «Galkynyş» gaz käniniň özleşdirilmeginiň dördünji tapgyryna badalga berildi. «Нейтральный Туркменистан» gazetiniň habar bermegine görä, «Galkynyş» gaz käninde täze guýulary burawlamak hem-de tebigy gazy gaýtadan işlemek üçin desganyň gurluşygyna başlamak dabarasy geçirildi.

Bu taslama gazyň çykarylyş möçberlerini artdyrmaga we ýurduň, ilkinji nobatda, Hytaý ugrunda eksport mümkinçiliklerini artdyrmaga gönükdirilendir. Ýylda goşmaça 10 milliard kub metr harytlyk gazy gaýtadan işlemäge mümkinçilik berýän desgalary döretmek göz öňünde tutulýar.

Mundan başga-da, bu başlangyjyň durmuşa geçirilmegi täze iş orunlarynyň döredilmegine, ýangyç-energetika toplumynyň mümkinçilikleriniň giňeldilmegine hem-de Türkmenistan bilen Hytaýyň arasynda gaz pudagyndaky hyzmatdaşlygyň pugtalandyrylmagyna ýardam berer.