Gruziýanyň paýtagtynda hormatly Prezidentimiz Serdar Berdimuhamedowyň bu ýurda amala aşyrýan döwlet saparynyň çäklerinde Türkmenistanyň halk hojalygynyň gazananlarynyň göçme sergisi açyldy. Giň gerimli ekspozisiýa «Expo Georgia» sergi merkeziniň meýdançalarynda ýaýbaňlandyrylyp, ol ýurdumyzyň eksport mümkinçiliklerini hem-de ykdysady kuwwatyny dostlukly döwlete aýdyň görkezmäge gönükdirilendir. Bu barada Türkmenistanyň Döwlet habarlar agentligi habar berýär.
Serginiň dabaraly açylyş çäresine Türkmenistanyň Prezidenti Serdar Berdimuhamedow we Gruziýanyň Premýer-ministri Irakli Kobahidze gatnaşdylar. Iki ýurduň Liderleri bilelikde sergi diwarlaryny aýlanyp gördüler. Bu ýerde ýurdumyzyň ministrlikleri we pudaklaýyn dolandyryş edaralary öz gazananlaryny we ýokary hilli önümlerini görkezdiler. Olaryň hatarynda Türkmenistanyň Dokma senagaty, Energetika, Saglygy goraýyş we derman sdenagaty, Gurluşyk we binagärlik hem-de Medeniýet ministrlikleri bar.
Görkezilişde hususy pudaga hem aýratyn üns berildi. Türkmenistanyň Senagatçylar we telekeçiler birleşmesiniň agzalary gurluşyk, metal, plastik we kabel önümleriniň, şeýle hem ekologiýa taýdan arassa azyk önümleriniň işjeň sergisini gurnadylar. Tbilisidäki şowly geçirilýän sergi türkmen işewürliginiň Gruziýanyň we Ýewropanyň bazarlaryna çykmaga taýýardygyny tassyklap, göni işewürlik gatnaşyklaryny ýola goýmak hem-de bilelikdäki kärhanalary döretmek üçin açyk meýdança öwrüldi.
