![«Türkmenaragatnaşyk» agentliginiň Politehniki orta hünär okuw mekdebinde Halkara Nowruz güni mynasybetli dabaraly çäre geçirildi](/uploads/cache/item/4d3ecb2cfc57e6493f2e2000a81ddad8-0x08.webp)
Şu günler ýurdumyzda Milli bahar baýramy – Halkara Nowruz güni uly ruhubelentlik, hoşniýetli umyt-arzuwlar hem-de şatlyk-şowhun bilen bellenip geçilýär.
«Türkmenaragatnaşyk» agentliginiň Politehniki orta hünär okuw mekdebiniň okuw binasynyň öňünde — açyk asmanyň astynda «Bahar pasly baýramlaryň paslydyr — hoş geldiň Nowruzym eziz Diýara» diýen at bilen guralan baýramçylyk çäresine agentligiň edara-kärhanalarynyň hünärmenleri we orta hünär okuw mekdebiniň mugallymlarydyr talyp ýaşlary gatnaşdylar.
Politehniki orta hünär okuw mekdebiniň talyp ýaşlarynyň ýerine ýetirmeginde Garaşsyz Watanymyzy we Milli bahar baýramyny wasp edýän aýdym-sazlar we goşgy setirleri ýaňlandy. Tans toparlarynyň joşgunly çykyşlary bolsa dabara özboluşly baýramçylyk öwüşginini çaýdy.
Bu günki gün Nowruz baýramy türki dünýäsiniň, şol sanda türkmen halkynyň ýokary ruhy-ahlak gymmatlyklaryny we milli däp-dessurlaryny özünde jemleýär. Häzirki zaman sungat ýörelgelerini utgaşdyryp, medeni gatnaşyklary has-da pugtalandyrýar.
Çeşme : Türkmenistanyň Ministrler Kabinetiniň ýanyndaky Ulag we kommunikasiýalar agentligi